Izindaba
Samsung

IBafana kuzomele ikhohlwe izinkinga ibheke ukunqoba

Dylan Bettencourt

IBafana Bafana kuzomele isuse ukugxila ezintweni ezenzeka ngaphandle kwenkundla, kodwa igxile ezintweni ezenzeka enkundleni kule mpelasonto.

➤ Iqembu lesizwe lebhola lezinyawo lakuleli lihlezi lilandelwa izinkinga futhi kuleli sonto akukho obekuhlukile kusukela ekungakwazini ukuziqeqesha ngoMsombuluko kuya kuHugo Broos ethi inhlangano yebhola yakuleli ayinabo ubungcweti.

IBafana ayikwazanga ukuzilolonga ngoMsombuluko njengoba i-South African Football Association (Safa) ibingababhukhelile inkundla.

Kube sekuphawula umqeqeshi sekuvela uHugo Broos wathi i-Safa intula ubuhlakani okuyinto ecasule uMengameli uDanny Jordaan.

Nokho iBafana kuzomele ukubeke eceleni lokho uma isibhekene ne-Sierra Leone ngoMgqibelo.

Okumcasule kakhulu uBroos izimbangi zabo zisezingeni eliphansi.

Yize kungalindelekile ukuthi iBafana idlulele phambili, kodwa iqembu lasekhaya ilona elihamba phambili emdlalweni ozoba enkundleni i-FNB, e-Soweto.

Umdlalo uzoqala ngehora lesithathu ntambama ngoMgqibelo futhi ungabukwa bukhoma ku-DStv channel 202 kanjalo naku-SABC.

➤ “Siziqeqeshela izinkomba ezinhlanu.” Lokhu ukuzibophezela kukaJacques Nienaber njengoba amaBhokobhoko elungiselela ukudlala umdlalo wokugcina we-Rugby Championships bedlala ne-Argentina ngoMgqibelo ntambama.

Umqhudelwano usavulelekile njengoba wonke amaqembu asethubeni lokuwina, nakuba amaBhokobhoko nama-Kiwi kuyiwo aqhudelana kakhulu. Ngenhlanhla elakuleli ne-New Zealand lizodlala ne-Australia ekuseni ngoMgqibelo, okusho ukuthi amaBhokobhoko azokwazi kahle okumele akwenze ukuze anqobe sekukonke.

Cishe bazofika kumaphuzu afunakalayo futhi mhlawumbe uzoba khona umehluko!

I-New Zealand izobhekana ne-Australia e-Auckland, e-New Zealand, ngo-9.05am ngesikhathi sakuleli. Elakuleli lizobhekana ne-Argentina eThekwini ngo-17.05pm.

Yomibili le midlalo ingabukwa bukhoma ku-DStv channel 201 no-211.

➤ Njengoba kuyikhefu lamazwe ebhola likanobhutshuzwayo, i-Uefa Nations League isibuyile nemidlalo eshubile ngempelasonto.

Umdlalo wokugqama uyimpinda yomdlalo wamanqamu we-European Championship 2020 phakathi kwe-England ne-Italy. Lo mqhudelwano uzoqala ngo-8.45 ebusuku ngoLwesihlanu.

Omunye umdlalo okufanele ubhekwe ngowomhlangano ophakathi kwe-Belgium ne-Netherlands. Amaqembu amabili adlale ngokulingana womabili anephuzu okumele afakazele ngalo ngaphambi kokuthi kuqale iNdebe yoMhlaba e-Qatar ngoLwezi.

Umdlalo we-Belgium ibhekene ne-Netherlands uzoqala ngo-8.45 ebusuku ngeSonto ebusuku.

Yonke imidlalo ye-Uefa Nations League ingabukelwa bukhoma ku-DStv channel 203.

Umthombo wesithombe:@SowetanLive

Samsung